Namatay ang 82 anyos nga ginang human nadasmagan sa motorsiklo sa iyang paglabang alas 6:59 sa gabii sa Dominggo, Oktubre 22, sa barangay road sa Brgy. Tubod-Bitoon, lungsod sa Dumanjug.Ang biktima giila nga si Zozima Carreon Tek-ing, biyuda, nagpuyo sa nahisgutang lugar, kinsa patay nang nidangat sa tambalanan.Ang nakadasmag kaniya mao si Benjie Humonong, 43, minyo, mangumprahay og hayop, taga Brgy. Kanyuko, lungsod sa Dumanjug.Si Police Senior Master Sgt. Romeo Legaspi, Jr.
, sa Dumanjug Police Station nga nahinabi sa Superbalita Cebu sa Lunes, Oktubre 23, nagkanayon nga samtang nagsubay sa brgy. road si Humonong sakay sa iyang Rusi 125 nga motorsiklo, kalit nga nilabang ang biktima.Wa dayon naka brake si Humonong, naigo sa abaga si Tek-ing hinungdan sa pagkabunal ug pagkapantok sa ulo sa karsada.Dali siyang gidala sa Barili District Hospital apan patay nang nidangat.Matod ni Legaspi nga nisuroy lang si Tek-ing bisan pa sa iyang pangedaron.